Text R. Vögtli
Melodie A. Flury

Laufsch du dr Bärg duruff e Stung
und äne abe no e Rung.
Do gseesch es Dorf, es stoot ällei
und dört isch euses Volk dehei
 
Refrain:   Uns syg’s wie’s well, s tuet sich loone
                   bi eus do z’Hobel obe z‘woone
 
Sy früener alles Buure gsi
drzue chly Händler näbä by.
Nit rych doch glücklich uff dr Wält
so hei sy gschafft i Stall und Fäld
 
Un hei sy dusse nüt z’tue gha
so hett e mänge Buurema
vom Morge früe bis gege d’Nacht
y syner Buttig Wälleli gmacht
 
Die junge und die alte Lüt
sy hälfe n‘anger jederzyt
und wie’s o chunnt, me schickt si dry
so isch es z’Hobel immer gsi
 
Und isch dr Herbscht y’s Ländli cho
so hett me Butte dure glo
das hett dr Buttemoscht denn gä
wo d’Lüt düen gärn uff d’Schnitte nä
 
S’isch hütt nimm alles ganz eso
s’muess mänge usswärts schaffe go
Doch Zoobe chömme alli hei.
will si doch Hobler blyybe wei.